4.0 Inngangur

An image is shown of a rocket that appears to have just passed through a layer of clouds as it travels skyward. A bright white light is seen in the upper right corner of the image. To the lower left appears the layer of clouds and the bottom of the rocket with fire projecting from the fuel cones at its base. — Mynd 4.1 Mörg nútíma eldflaugaeldsneyti eru efnablöndur af föstum efnum sem blandað er saman í vandlega afmældu magni og kveikt í til að framkalla efnahvarf sem myndar þrýstikraft. (heimild: breytt útgáfa af vinnu NASA)

Eldflaugar með föstu eldsneyti eru miðlægur þáttur í geimkönnunaráætlunum heimsins, þar á meðal nýja Space Launch System sem Geimferðastofnun Bandaríkjanna (NASA) er að þróa til að koma í stað geimskutlanna sem teknar hafa verið úr notkun (Mynd 4.1). Hreyflar þessara eldflauga reiða sig á vandlega undirbúnar efnablöndur af föstum efnum sem blandað er saman í nákvæmlega afmældu magni. Þegar kveikt er í efnablöndunni hefst kröftugt efnahvarf sem myndar hratt mikið magn af myndefnum á gasformi. Þessum gösum er þrýst út úr eldflaugahreyflinum í gegnum stút hans og þannig myndast sá þrýstikraftur sem þarf til að knýja þunga farm út í geim. Bæði eðli þessa efnahvarfs og tengslin milli magns efnanna sem eyðast og myndast í efnahvarfinu eru afar mikilvægir þættir sem ráða úrslitum um árangur tækninnar. Í þessum kafla verður lýst hvernig efnahvörf eru táknuð með efnajöfnum, hvernig á að flokka nokkur algeng efnahvörf með því að bera kennsl á mynstur í hvarfgirni og hvernig á að ákvarða magnbundin tengsl milli magns efna sem taka þátt í efnahvörfum – það er að segja, hlutfallaefnafræði efnahvarfsins.

Námsmarkmið